Գնահատեք այն, ինչ ունեք

Երբեք չէի ուզի լսեմ այս լուրը, երբեք չէի ցանկանա, որ այս առավոտը քույրիկիս համար սենց հարվածով սկսեր: Բայց մենք ոչինչ այս կյանքում չենք որոշում, որոշումա Աստված, ուրեմն Վիգենի համար Աստված որոշել էր էս կյանքը, էս ճակատագիրը:

Յանան քեռուս աղջիկն է, իր ամուսնու՝ Վիգենի հետ ծանոթացել էին Օդնոկլասսնիկի կայքով տարիներ առաջ, հանդիպել քույրիկիս՝ Մոսկվայից գալուց հետո, սիրահարվել, ու ամուսնացել, գնացին Մոսկվա, ծնվեց Տյոմկաաաան, ու ամեն ինչ լավ էր այնքան ժամանակ, մինչև 21 դարի ամենաչար հիվանդությունը չեկավ չկպավ Վիգենին, արյան լեյկոզ…

Մի օր հանկարծակի կոնտակտում հանդիպեցի գրառման Վիգենի մասին՝ իր ընկերներից մեկը խնդրում էր օգնել արյուն հանձնել Վիգենի համար, այնքան լավ խոսքեր էին գրած նրա մասին, ահավոր հուզվել էի, իմ ընկերներին էլ շնորհակալություն, որ իրանց էջերում գրեցին արյան հանձնման համար, անգամ օգնողներ եղան, շատ մարդիկ, շնորհակալություն նաև բոլորին, ովքեր ինչ որ մի կերպ երկարացրեցին Վիգենի կյանքը ու Յանայի հետ նրանք ունեցան իրանց երկորդ հրաշք բալիկին՝ Աննային:

Երբ Վիգենը հիվանդանոցում էր, զանգում էի, խոսում էինք, անգամ քիմիայից հետո միշտ ուրախ էր, ծիծաղացնում էր, երբեք չէիր ասի, որ ինքը հիվանդ է… իսկ Յանան երբեք հույսը չէր կոտրում, հավատում էր, օգնում էր, աջակցում էր, միշտ ասում էի, հալալա Յանային, ոնցա իրա ամուսնու համար, հղի վիճակում պայքարում, ինչքան ուժ ուներ ինքը, ինչքան հավատ…

Երեկ իմացա, որ Վիգենի օրգանիզմը բավականին երկար բուժումից, դեպի լավ գնալու որոշ ժամանակից հետո, էլ չի կարողացել դիմադրել, մի քանի շաբաթ առաջ անգամ իմացա, որ Վիգենը մի տեսակ հուսալքվել ու Եկեղեցի էր գնացել… երևի զգում էր…

Ու այսօր առավոտյան մամաս զանգեց, ու ասեց, որ Վիգենի սիրտը, որում այդքան սեր կա, որում այդքան հույս կար, այլևս չի դիմացել հիվանդությանը…

 

Ոչ մի խոսք, ոչ մի բառ հիմա չեն փարատելու նրա կնոջը, ծնողներին, ժամանակը անգամ ոչինչ չի բուժի, միայն մնալու են լավ հիշողություններ, Տյոմկան ու Աննչկան տարիներ հետո որ մեծանան, իմանալու են որ շատ լավ պապա են ունեցել, ու մենակ իրանց բալիկների համար Յանան հիմա իրա ամբողջ ուժը պետք է հավաքի:

Մենակ մի ցանկություն ունեմ, երբեք անտարբեր մի եղեք շրջապատի հանդեպ, երբեք մի ալարեք մի փոքրիկ գումարով, թեկուզ պարզապես ինֆորմացիա տարածելով օգնեք մարդկանց, եղեք ավելի բարի, գնահատեք այն ինչ ունեք, մանրուքների համար մի վիճեք ու մի նեղացեք իրարից, մի տառապեք անիմաստ խնդիրների համար, գնահատեք այն, ունեք ու եղեք Շնորհակալ Աստծուն, որ Դուք դա ունեք:

Օգնեք փրկել ուրիշների կյանքը, քանի որ թեկուզ կարճ ժամանակով երկարացնելով մեկի կյանքը, հնարավորություն ենք տալիս Վիգենի նման կյանք նվիրել ուրիշներին՝ իրենց բալիկներին…

 


Both comments and pings are currently closed.

Comments are closed.